18 Aug 2026, 11:56 UTC609 views20 reactionsread 28 August 2026 نحن جيل كنا شايفين تدخل الأجيال القبلنا في أفكارنا وخياراتنا تقييد، وهسا بقينا في نفس موقعهم، لكن ليه عاوزين نشوف حاجات الأجيال الجديدة كأنها أخطاء، مش ياهو الطبيعي إنها تكون مختلفة عننا وما نحاول نلزمهم يعيشوا بنفس مواصفاتنا او نطلق عليهم أحكام، المفروض نتذكر إنو نحن ذاتنا كنا مختلفين عن القبلنا، الدور يقتصر على نقل التجربة والنصيحة فقط، ما لازم نصنع منهم نسخة مننا لأنو ده بالضبط الشيء النحن زاتنا كنا رافضنو زمان.
❤20
Signed 𝐀𝐁𝐃𝐀𝐋𝐋𝐇
6 Aug 2026, 02:52 UTC≈1,240 views18 reactionsread 28 August 2026 هل نحن جيل ساخط ؟! وبقينا نركز على الحاجات الناقصانا أكتر من النعم الموجودة في حياتنا، وأي حاجة نوصلها بعد فترة بنعتبرها عادية ونجري ورا الحاجة البعدها، ولا دا طبع الإنسان عامل كدا ؟! مفروض نرجع نتعود كل يوم نكتب حاجة واحدة بس نحن ممتنين ليها، مهما كانت صغيرة يمكن مع الزمن نتعلم نشوف النعم قبل ما نفتش على النواقص، إذا سألوك ماهو الشيء الذي أنت ممتن له اليوم ردك شنو ؟!
❤18
Signed 𝐀𝐁𝐃𝐀𝐋𝐋𝐇
27 Jul 2026, 12:37 UTC≈1,760 views18 reactionsread 28 August 2026 حسب دراسة أجريناها مؤخراً، إن في ناس بتعرف الخازوق جاي من بعيد، وبتشوفو بعينها، وبتسمع صوتو كمان، وبتجيهم تحذيرات من الناس والأهل والاصدقاء ومع ذلك بصرو إنهم يكملو المشوار عشان يوفرو للآخرين تجربة تعليمية مجانية ويكونو عظة وعبرة للكل.
❤18
Signed 𝐀𝐁𝐃𝐀𝐋𝐋𝐇
14 Jul 2026, 03:46 UTC≈2,370 views18 reactionsread 28 August 2026 من أكثر الأوهام انتشاراً أن يعتقد الإنسان أنه محور الكون، وأن الناس تستيقظ صباحاً لتتابع أخباره وتفاصيل حياته. الحقيقة أبسط من ذلك بكثير فمعظم الناس بالكاد تجد الوقت للاهتمام بشؤونها الخاصة، ناهيك عن الإنشغال الدائم بالآخرين، فلا تبالغ في تقدير حجم حضورك في أذهان الناس، ولا تمنح الإشاعات والتوقعات أكثر مما تستحق، أنت مهم في حياتك أنت، أما بالنسبة للعالم فالجميع تقريباً مشغول بمعاركه اليومية وهمومه الخاصة.
❤16👌2
Signed 𝐀𝐁𝐃𝐀𝐋𝐋𝐇
1 Jul 2026, 03:59 UTC≈2,820 views25 reactionsread 28 August 2026 في بعض الناس وصلوا مرحلة غريبة في موضوع الإستفادة من غيرهم لدرجة أي زول يعرفوه لازم يكون عنده فايدة، وأي علاقة لازم يكون وراها مكسب، وأي واسطة لازم يستغلها، حتى لو مافي احتياج حقيقي لكن بقى هوس بإنهم ما يفوتو أي منفعة ممكنة، وفي الغالب ما بحسوا بالمشكلة دي، وبيعتبروا نفسهم شطار وواقعة ليهم ولكن مع الزمن بتبدأ تحس بالنفور منهم، وفي فرق كبير بين زول بعرف يستفيد من الفرص، وزول شايف إن الحياة كلها عبارة عن إستغلال فقط.
❤25
Signed 𝐀𝐁𝐃𝐀𝐋𝐋𝐇
25 Jun 2026, 07:56 UTC≈2,940 views22 reactionsread 28 August 2026 في ناس شغلهم كله قائم على إنه يحسسوكم إن في حاجة ناقصاكم دائماً، لو أمورك ماشة كويس، بقولوا ليك لسه ما وصلت، لو نجحت بقولوا ليك النجاح الحقيقي قدام، ولو اتعلمت حاجة بقولوا ليك لسه ما عرفت السر، وانا ما بقول إن التطوير ما مهم، لكن أحياناً لازم تسأل نفسك هل فعلاً عندي مشكلة محتاجة حل ولا في زول أكل عيشه مرتبط بإقناعي إنه في مشكلة عشان يبيع لي الحل ؟ لأنه أحياناً كتيرة الإحساس ده نفسه هو المنتج، وصباح الخير حتى إشعار آخ…
❤22
Signed 𝐀𝐁𝐃𝐀𝐋𝐋𝐇
24 Jun 2026, 03:52 UTC≈2,640 views23 reactionsread 28 August 2026 بحب الناس البشكرو حاجاتهم البحبوها، وبدوها حقها من الإمتنان والثناء، وما بخجلو من التعبير عن إعجابهم بيها، يطبلو لأكلتهم المفضلة، ولمكانهم المفضل، وللناس البحبوهم، ولكل حاجة أضافت ليهم معنى أو فرحة، بغض النظر عن درجة اهميتها، فالقدرة على إظهار المحبة والامتنان في حد ذاتها نعمة، قد ما نغير شيء في الممدوح بقدر ما بتغير فينا وتخلينا أكتر رضا، وأكتر انتباها للجمال وأقل بخلاً في التعبير عن مشاعرنا الجميلة.
❤23
Signed 𝐀𝐁𝐃𝐀𝐋𝐋𝐇
11 Jun 2026, 05:03 UTC≈3,080 views25 reactionsread 28 August 2026 من أعظم نعم الله علينا أن يحيطنا بي ناس عينهم مليانة، وما قصدي كتر المال وإنما قناعة في النفس وسلامة القلب والنية يفرح لنعمة غيره كما يفرح لنعمته، ولا يرى نجاح الآخرين انتقاصاً من فرصه أو رزقه، فمعهم لا تحتاج لإخفاء نجاحاتك يفرحون إذا تقدمت، ويدعون لك إذا تعثرت، ويضيفون إلى حياتك طمأنينة لا تُشترى بالمال، فتكون صحبتهم وحدها سبباً في راحة كبيرة تستحق أن نحمد الله عليها كل يوم.
❤25
Signed 𝐀𝐁𝐃𝐀𝐋𝐋𝐇
10 Jun 2026, 03:02 UTC≈2,950 views20 reactionsread 28 August 2026 في مشكلات، ومعارك، وآراء ما بتخصك، ممكن تصحى الصباح تلقاها قدامك، بتستفزك وحاتشغلك اذا ركزت معاها، ما مطلوب منك تدخل فيها، ولا تعلق عليها، ولا تحاول تحلها، خليها تمضي في حال سبيلها، وبعد فترة حتكتشف إنك حافظت على وقتك، وهدوءك، ومستويات طاقتك بقت أحسن بي كتير، خصوصاً لو إنت سوداني يعني لأنه الدنيا براها موفرة ليك مخزون من المعارك والمآسي ما يكفي وزيادة.
❤17🥰2🔥1
Signed 𝐀𝐁𝐃𝐀𝐋𝐋𝐇
9 Jun 2026, 12:49 UTC≈2,750 views22 reactionsread 28 August 2026 من دروس الحياة البتتعلمها بعد زمن انه تعرف في فرق كبير بين إنك تسكت لأنك ما قادر ترد، وبين إنك تسكت لأنك شايف إن الموضوع أصلًا ما مستاهل زمنك ولا طاقتك، كتير من الناس بتفتكر إن عدم الرد هزيمة ولكن بعد فترة الواحد بكتشف إن أكبر انتصار أحياناً هو إنه ما يدخل المعركة من الأساس ودي بديهيات لكن مفروض الواحد يذكر بيها كل فترة والتانية وبعدين دي زاتو ما سخانة كلام كتير واستهلاك طاقات الناس تحاول تستهلك عصير وموية عشان ال hy…
❤22
Signed 𝐀𝐁𝐃𝐀𝐋𝐋𝐇
9 Jun 2026, 10:59 UTC≈2,570 views19 reactionsread 28 August 2026 بقولو الواحد ما بعرف قيمة الحاجة إلا لم يفقدها، اغلبنا بعد الحرب ومن قبلها الغربة بتخلي الواحد أكثر تقديراً للحاجات البسيطة، والغريب إن الحاجات دي هي ذاتا البتعيش معانا في الذاكرة أكتر من غيرها، التفاصيل اليومية البسيطة البتمر علينا ونحن مفتكرين إنها ح تتكرر للأبد، لكن الحياة عندها طريقة مختلفة في تعليمنا، بتخلينا نرجع لذكريات عادية جداً ونكتشف بعد سنين إنها كانت من أجمل النعم الكانت حولنا، لذلك استمتعوا بالتفاصيل ال…
❤19
Signed 𝐀𝐁𝐃𝐀𝐋𝐋𝐇
8 Jun 2026, 09:51 UTC≈2,500 views21 reactionsread 28 August 2026 ما بحب الناس البستسهلو العلاقات مع الناس والبفتكرو إنو عدم الاكتراث بالآخرين حاجة تدعو للفخر و الاستعراض، الدنيا دي ياها قائمة على البشر وعندنا ناس سندنا وفرحتنا وأحياناً جزء كبير من معنى حياتنا نفسها، عشان كده اي زول يقعد يتباهى قدامي إنو ما فارق معاه زول اول حاجة بتجيني إنو ده زول صعب تعتمد عليه، لأن الزول البستهين بالناس وعشرتهم غالباً كلها شوية وحايجي دورك، ما رهابة يعني إنك تثبت إنك ما محتاج لزول، على قدر ما إنه…
❤19👏2
Signed 𝐀𝐁𝐃𝐀𝐋𝐋𝐇
Showing the 12 most recent of 21 posts we hold for @Insurgant. View and reaction counts are the latest single reading for each post, not a live figure, and a recent post is still accumulating both. A view count marked ≈ was rounded by Telegram before we ever saw it — t.me prints views in full below 1,000 and to three significant figures above, so ≈1,200,000 means somewhere between 1,150,000 and 1,249,999. Unmarked counts are exact. Text is reproduced from the public post preview and truncated for length.
