َ

‏قال انت وشفيك لا حاضر ولا غايب ‏قلت المقادير لا منها ولا عنها ‏لا تمتحني وانا من الفضفضه تايب ‏وغاسل يدي من كفوف الناس والسنها ‏من قلبي الورع حتى عقلي الشايب ‏عفت الاحاسيس ظاهرها وباطنها ‏اللي رحل وش خذا والجاي وش جايب ‏والله مدري . . . لكن الله يزينها .

‏صديق السهر قرّب لي الدله ام قناد ‏و سولف عليّ الا بـ ذكره و موضوعه ‏يا وجدي على السجّات و الخاطر المنقاد ‏و نسيان شيٍ داخل الصدر و ضلوعه ‏تفاصيله .. اللي كل ليله علي تنعاد ‏و تراحيبي اللي قبلها ما هدى روعه ‏نصاني و مدّ ايديه في غفلة الحسّاد ‏و عجز لا يقول ولا قدر يردع دموعه ‏سعيت و بذلت الجهد لـ اجله ولا الله راد ‏و غدت منّه حبال العلاقات .. مقطوعه ‏اعود المكان اللي يحبّه و هو ما عاد ‏غزالٍ خُطى رجله عن الروض م…

لاتحسب ان اليالي كل ابوها ربيع لازم تلوفك هبوب القيض وسمومها

«ساقتني الذّكرى على ذيك الأيام وأبحرت في ذكرى الليالي القديمة»

‏عليك السلام الوافر بكل وقت وحين ‏يامن غاب عن عيني ولا غابت أطيوفه ‏يقولون لابد اللقاء يجمع الحيين ‏وأنا أقول لولا الوقت ما شانت ظروفه ‏سقى الله يوم المواجه شبة روتين ‏وجلساتنا بالود والشوق محفوفه ‏قبل دمعة الحسره تبل الجفن وتبين ‏وتستوطن الاحزان في جوفي وجوفه

‏على مهل القلوب اللي تدامى و الدروب طوال ‏و أنا ما لي سوا قلبٍ يخاف و يحشم ضلوعي ‏حبيبي يا مدى العمر الرحيب و مغريات البال ‏تركتك قبل ما ينقص غلاك و تكثر دموعي .

‏مالفتني غير وجهك و أنا يا قل إلتفاتي ‏وجهٍ يجيب المسرّه عسى الأيام تاتي به

‏على النسيان ما مرَّ الطريق ولا كساك إنصاف ‏مثل ما اواجه أقدار العمر ذكراك أواجهها ‏تبين بـ كل غيمة ما تضرّ .. وكل غصنٍ جاف ‏أشوفك فالوجيه اللي أحبّ وفاللي أكرهها .

‏عليك أخاف من جرح الكلام و لوعة التدقيق ‏و أحنك من قساي و من قسى الأيام و آوي لك ‏لك اللّٰه ما قدرت آسلى بعدك ولا قدرت أطيق ‏تفاصيل الحياة اللي ما فيها من تفاصيلك

ودي لو إن الواقع .. يصير كذاب ‏وأصدقه مثل ما أصدق خيالي

‏بعت الرخيص رخيص والحمدلله ‏حصلت لي في السوق لاشٍ يسومه ‏لاشٍ شرا له لاش مثله وشرواه ‏الله يلوم اللايم الي يلومه ‏- وصل العطياني

1448 : ‏نطوي سنه مرت بها ضيق وأفراح ‏ونبدا سنه فيها العلوم السعيدة ‏يالله تجعل مامضى العام ينزاح ‏ونلقى السعاده في سنتنا الجديدة