مُوَارَبَة

‏غديت أدورني بزحمه أفكاري ‏كني سوال عجزت القى له إجابه ‏ياغربة الروح طال الدرب بمساري ‏والعمر يجري ولا أدري وش غدابه ؟ ‏متى على الله تضوي لي أنواري ‏وألقى الطريق اللي انكتب لي بابه ‏وأشوفني بحلم الهنا وأجمل أقداري ‏أقطف زهور الحظ عقب الخوف وانيابه

‏«على حروة بكاءٍ وتنهيدةٍ وغصّة وضيقَة بالْ ‏وعلى رجوى الرحاب تمرّ صدري كل فجريّة ‏تمرّ سنين من عمري وأنا في وحشة التّرحال ‏أخاف من التّعلّق والقسى والدمع والكَيّه ‏يعذبنِي شعور أن الشعور أحيان ما يُنقال ‏وشعور إنّي على وعر الطريق أحيان منسيّه»

‏أبي الوضوح ولا لقيت له مسير ‏كل الدروب اللي مشيتها إنفرادي ‏أسمع صدى قلبي بين حيرة وتخيير ‏وأدور على لحظة صفاء في مداري ‏أبني الأمل وسط ليل همومه طوابير ‏ويا كثر الأفكار اللي مالها طاري ‏أثبّت يقيني لا يتهاوى ويطير ‏وأحلم بصبحٍ يزيد إنبهاي

‏«أنا أدري أن الأوادم كلّهم من تراب ‏وأنتي؟ من تراب مكة والحرم والحطيم»

‏منقاد لك قلب وعقل منقاد ‏يا قايد الأَثنين .. و مُرادي ‏لك الكلام اللي ماهو معتاد ‏ولك الشعور اللي ماهو بعادي ‏فيك أنت تِرجم هرجة النقّاد ‏وشلون أكون الراكد الهادي ؟ ‏وفيك أتغنّى وأقهر الحسّاد ‏وأهيم بك من وادي لـ وادي ‏لمحتك تفرحني سنة وش عاد ؟ ‏" لو كان بين يديك مقعادي "

‏دعيت ان العوض يآتي كبير وما ذخرت آمين ‏عسى اللّٰه يطفي أوهام الشموع بلحظة احراقي ‏يمر العمر والحزن يتلاشى والطريق يزين ‏واغني كل ما يلمس شعوري لهفة اوراقي ‏أعرف ان العوض دايم يجي لكن يجي بعدين ‏أنا ما كنت اظن إن العوض يستاهل إرهاقي

‏"حبيبي عادك النجم القديم إن زلّ ليل وْعاد ‏تحت جنحك أردد ضحكتي، وأرتب اعذاري ‏ضميت الود وعيونك مناهل، والسنين سهاد ‏على وين اتجه لو ضاع في سود الهدب ثاري؟ ‏تبـعتـك عن جفـافي وابـلٍ مقفي ولا الله راد ‏عسى لك عـودةٍ فيهـا المزون؛ تْبلّل ديـاري"

ما أنت بكفو للسهر والحزن والغيره ودموعي، وشِعري الموزون، وأوراقي كرت أحمر.. وباب طيّاره وتسفيره في قلعة وادرين وبـ ألف طقاقي

‏القصايد قبل أعرفك ما تعرف إلهامي ‏وذا قصيدي من عرفتك منفرد بإسلوبه ‏كل ما غنيت وجتاح الحنين أنغامي ‏ذكرياتك زادت أبياتي طرب وعذوبه ‏يا نديمي لو تذكرت بـ مداك أيامي ‏من بعيد اذكر هوانا لا تقرب صوبه ‏من تلقينا وأنا ادري ان الوداع إلزامي ‏من قبل وقت ألقى و أقدارنا مكتوبه ‏بين عثرات الرحيل و رجعتي واقدامي ‏ما نجا غير الرحيل الي نجا باعجوبه

‏ولازال الهوى تقوى رياحه لين زال الباب ‏وشرّع لك مواطن خافقٍ ماهو على خبري ‏من الله والله اني ما نويت وما حسبت حساب ‏من الله والله اني حيل حبيتك وأنا مدري ‏تمر بدنيتي وجهٍ يحسبونه مثل الأصحاب ‏وأنا لا مرني وجهك أغني له وطن عمري

‏"عن حديث العيون ولذة التلميح ‏يستدل العمر مجراه .. وشروقه ‏لفحة ٍمن نسيم الفجر والتسبيح ‏وراحة ٍمن هجوع الناس مسروقه"

«كل ظلّ معك أحبه كل دربٍ فيك أضيعه»