هيّاب

اثبتووووا الله يسعدكم

اساير الحظ ولا اساير احلامي الحظ مكتوف والأحلام مكتوفه احيان باب الفرج ينسدّ قدامي واحيان يفتح بوجهي بس ماشوفه

يامعذب الأحباب ياغايب متى وقت الوصول انا على نار انتظر رجعتك لو طال الغياب ياهمي اللي لو يزول العمر كله مايزول يقرب من الي في يدي وابعد علي من السحاب ياصيف عُمري ياربيع العمر يا أغلى الفصول يافرحتي ياسلوه الأيام يا أنواع العذاب

‏يصبرني على ثقل الليال إنْ الأمل ما زال ‏ينسيني شقى النفس ويضوي لي متاهاتي ‏أغيب بلا سبب وبلا سبب يربكني الترحال ‏واعود للمكان إللي يضم أربع تجاهاتي ‏مع إني هادي وجه وحكي لو ضاقت الاحوال ‏يجي هذا الحزن صخب ويلازم فكرة أبياتي

ما كني أعرفه ولا كني ابغيه وأنا عليه من اهله احب وأجرى يا كثرها تسليمتٍ يوم الاقيه لي عين تكتب له وله عين تقرى وإن حل طاريه تجاهلت طاريه ماكني ادري عنه وانا به ادرى احشم قريبه حشمةً له واداريه و أخشى يجي في خاطره شي وادرى بسكات يغليني وانا حيل مغليه لا تليفون ولا مواعيد غدرى

على اللي تعبت انسى غلاه وتعبت اسير على جرته من يوم قفت مظاهيره حداني على شيئين يا الموت يا التهجير بعد ماكنت في بيت الغلا اغلى مساييره حزينٍ عليه ومن نشدني اقول بخيّر وانا ضايقٍ من جور هجرهه وتاخيره يقولون خيره واعتبر كل شي يصيّر وانا اقول م هي كل خيره تجي خيره

اضحك ترا عوج الليالي مدابير وما للخلايق في قضى الرب حيله اضحك لو هموم قلبك طوابير ومايقسمه ربك تروح وتجي له لو ضاقت الدنيا تراها مقادير وخلك جبل ما هزته كل ميله .

ياعسى اللي باقي لي من سنيني يزين ولا انا شخص من الوقت فاقد طاقته.

وش تبي بي ماوراي إلا الضياع وذكرياتٍ من ربيع إلى ربيع لاتغرك مفردات الاطلاع فلفساتٍ جبتها من كل ريع الغرام اوهام والدنيا متاع وانت لاتتبع هوى نفسك تضيع عن ذنوب الوصل خيرة الانقطاع خيرةٍ لك وانت تسمع ماطيع

لو خسرتك ما خسرت العمر والدنياء متاع وأدري إني لو خسرتك ماخسرت الا قليل بس فكر زين تعرف من خسر فينا وضاع وتعرف إنك لو تلف الارض وتدور بديل والله إن تبطي ولو لفيت في كل البقاع ولو تسوي وش تسوي م أنت لاقي لي مثيل

تزور القلب ما زرت الأماكن يا أطيب الزوار تمشى فوق قلبي ما تمشت خطوتك حدري سهیت و وین ما وليت وجهي شفت لك تذكار صبرت و ضحكتك مرّت عيوني و أنكسر صبري سلامي بارد و قلبي سلامه وسط صدري حار يا ليتك تقدر تشوف الضلوع إللي ورى صدري

على ذاك الطريق الي يسمونه غرام احباب وطت رجلي على دربه ولا ادري وش نوى فيني تبعته لآخر دروبه لين أن القمر قد غاب تعب قلبي ولاتعبت مسافاتٍ توديني